Meine Küche

Hier finden sich meine Lieblingsrezepte und Links zu einschlägigen Online-Kochbüchern

Meine Lieblingssuppe:
Hessisch Erdwallsupp

Mer braach:

Wasser
1-2 Hinkelsbrieh-Werfel
Schpaschel
Zugga, Salz, Pfeffer un anner Gewerz.
Maggibrieh
e Ai
De Silies ihrn Peeder

Ersdemol nimmt mer en Dippe un duht des Wasser neu duhn.
Dem Wasser duht mer dann rischdisch ordendlisch oiheize!
Wenn des grad bassiered, kammer den Sparschel
- wenners net is - schäle un in Stickelscher schneide.
Wenns kocht, duhd mer die Hinkelsbriehwerfel neuwerfe.
De Sparschel aach!
Is de Sparschel waaasch (des könnte mal so 20 Minuude soi)
dann kimmt e bisje vun dem Zugga enoi un dann duht mer
des ganze mit dem Salz, Pfeffer und dem annern Gewerz
abschmegge. Wenns noch ned schmeggt, dann schüdde mer
noch e bissi Maggibrieh droh!
Duhts dann schmegge duhn, hert mer mit dem oiheize uff,
un duht wadde bis es nemmer kocht.
Dann werd des Ai ohne die Schal da neu geriehrt.
Und dann werd die Petersilie gehackt und da aach noch
driwwer gesteihd. Dann iss mer ferdisch!

En Guhde!

Des kammer als Supp defor nemme,
oder aach mit e bissi Brot zum sattesse.

Des ganze iss meiner Omma gewidmet,
die wo des schon immer so mache duht,
un aach meim Stieffadder, der wo des hat
tippe derfe!

Viele Weitere Leckereien findet man
in der Zamonischen Küche
und bei einem Chefkoch

Zurück zur Wohnstollenkarte